زوادة اليوم: قصّة الجوهرة

زوادة اليوم: قصّة الجوهرة
بيوم من الإيّام كان في صبي عم يمشي ع شطّ البحر، وبيلمح من بعيد شي عم يلمع ع الرمل... قرّب ركع، وتفاجأ لما شاف جوهرة ضخمة حلوة كتير. انبسط الصبي وقال: «رح إتخلّص من عيشة الفقر يلي انا عايشها، رح روح ع سوق الصاغة وبيع الجوهرة». بس مع الأسف عرضو عليه مبلغ كتير قليل، عرف ساعتها إنّن عم بيغِشّوه ورفض يبيعها. بعد كم يوم تعرّض الصبي للضرب أكتر من مرّة، لأنّو التجّار كانو عم يلحقوه ت ياخدو الجوهرة منّو حتّى لو اضطرّو إنّن يقتلوه، وصار واضح بالنسبة لَهالصبي إنّو اذا بدّو يخلّص حياتو لازم يتنازل عن الجوهرة. الصبح بكّير راح ع الشط، وكَبّ الجوهرة بالبحر، وهيك تخلّص منها وربح حياتو وتحرّر من شي تمين ليربح شي تاني أتمن وأغلى.
الزوّادة بتقلّي وبتقلّك:
«بحياة كل واحد منّا في أمور كتيري لازم نتخلّص منها حتّى نربح حياتنا».