زوّادة اليوم : 21 - 2 - 2015

زوادة اليوم: الألم والصعوبة
بيقول أحد المؤمنين: الفرق بين الآلام اللي منجلبها لحالنا بسبب شرورنا والآلام اللي بيسمح فيها اللّه حتى يهذّبنا، متل الفرق بين الحبل اللي بيربط فيها السجّان أحد المذنبين، والرباط اللي بيضمّد فيها الطبيب جرح المريض. صحيح إنّو مش كل مرّه منفهم شو بدّو الرب، وصحيح إنّو مرّات كتيره تدبيرو بيتركنا بحيره وتساؤل، ولكن صحيح كمان إنّو الأساس الوحيد اللي مش لازم يتزعزع هو كونو بَيْ، وكلّ شي بيصدر عنّو مبني ع محبتو اللي بلا حدود.
الزوّاده بتسألك شو رأيك اليوم قدّام كلّ ألم وصعوبه تحاول تغيّر نظرتك إلُن، وبدل ما تعتبرن حبل بيقيّد وبيكرسح، اعتبرن رباط بيداوي وبيشفي، وشوف إيد البَيّ الحنونه بكلّ اللي عم بيصير؟

زوّادة اليوم : 21 - 2 - 2015 10994178_801425346611562_4744749188917696617_n

زوادة حلوة جدا

ربنا يبارك تعبك اختي سعاد