المسيح قام، حقاً قام
المسيح قام، حقًّا قام. هيدي هيّي العباره يللي منردّدها نهار أحد القيامه. هيدي هي التحيّه يللي منصبّح بعضنا فيا، بس ولا مرّه منقول: حقًّا قام ونحن شهود على قيامته. يوم أحد القيامه الزوّاده بتدعيك تكون ع مثال المريمات شاهد حقيقي تعلن قيامة المسيح بالقول وبالفعل، شاهد لقيامة المسيح، مننحني أمام القبر الفارغ ع مثال يوحنا الحبيب، شاهد لقيامة المسيح ع مثال تلميذَي عمّاوس يللي تعرّفو عليه بعد إحباط وخوف وهروب....
الزوّاده بتقلّي وبتقلّك، شو ما كانت حالتك، كيف ما كان وضعك، ما لازم تتأخّر لازم تشهد للقيامه وتعلنها لكلّ الناس مش بس بالكلام إنّما بالأعمال. المسيح قام حقًّا قام ونحن شهود لقيامته. وأللّه معكن.
الإثنين أبريل 06, 2015 4:40 am
