زوادة اليوم: القديسة تريزيا والصعوبة
سألو القدّيسه تريزيا الزغيره: شو بتعملي قدّام الصعوبه؟ جاوبت:
- بقفز من فوقها.
- وإذا كانت كتير كبيره؟
- ما بيهمّ! بعلّي أكتر وبقفز من فوقها.
ورجعو سألوها:
- وإذا كانت كتير كتير كبيره وما قدرتِ تقفزي؟
قالتلهن:
- ساعتها بمرق من تحتها.
الزوّاده بتسألك: قولك هيدا المطلوب؟ أكيد لأ. القدّيسه تريزيا، قدّام الصعوبه، بتحاول تحلّا أو تتخطّاها، وهيدا القفز من فوقا. ولأنو فيه صعوبات ما بتقدر لا تحلّهن ولا تتخطّاهن، تريزيا بتقلّك: امرق تحتن واحملهن، وخلّين هنّ يصيرو صليبك ودربك للقيامه.
يا رب، إذا قفزنا فوق مشاكلنا، اعطينا إيدك تسعفنا. وإذا مرقنا من تحتها، اعطينا اكتافك تحمل معنا، إنت اللي دعيتنا إلك كل مرّه بيتقل الحمل علينا. آمين.
الجمعة أبريل 17, 2015 4:17 am
