زوادة اليوم:ميلاد الرّب يسوع

زوادة اليوم:ميلاد الرّب يسوع
ميلاد الرب يسوع اجا تا يعلمنا درسين مهمين كتير!
١. التواضع و ما نهتم بالمظاهر:
ولد يسوع بضيعة زغيرة اسمها بيت لحم مش بمدينة كبيرة مشهورة، و ما كان عندو مطرح ينام فيه متل كل الولاد نيمتو امو بمذود. و بس ولد ما عملو احتفالات ارضية متل بس يخلقو الولاد اليوم!
كمان ولد بعيلة فقيرة برعاية نجار.
وولد بيوم برد كتير و ما كان عندو شي يدفيه! كل هالإشيا بتعلمنا انو لازم نبعد عن المظاهر و نهتم بالقلوب!
2. البساطة:
ما اعلن ميلادو للملوك بالعكس اعلنو اول شي للرعاة و للمجوس اللي كانو بسطاء و قلبن طيب ما شكو! و حملو البشارة و فرحو فيا و راحو لعندو بلا ما يوقفن شي! نحنا اليوم منلتقي بيسوع بالكنيسة كم سبب و سبب منلاقي حتى ما نروح...برد، شتي، في ناس ما بدي التقي فيهن، خلص بكرا بروح...نحنا منفتقد للبساطة بحياتنا!
هالدروس لازم نطبقها عاطول و انشالله كل يوم بحياتنا بيكون ميلاد و الله معكن