رسالة من السّما
______________
ومرقت الايّام يا بيّيّ
كبرتوا وانتو بعاد عن عينيّيّ
واليوم من عرش السّما من فوق
مرافقك مع ربّ الكون والشّوق
بقلب رضي وعين واسعة هنييّ ...
يا الكنت لامّك الايد اليمين
والقلب النّاصع والفكر الرّزين
تتهنّى يا بيّيّ بيوم فرحتك
وتبقى انت وعروستك دوم
الغصن اليانع وع مملكتك المخلص الأمين ...
بهديك من هون من عرش السّما
باقات عطر مزّينة بلون الهنا
ولأنّي أنا الشّهيد مع خييّ اللي ربّاك
وكان ناطر هالفرحة متلي أنا
غصب عنّو ما كفّى الرّسالة
عجّل لعندي بموكب ما لو تاني
وترك الحمل لام منها انهد الحيل
ومن هون أنا ويّاه منقلّك يا غالي
تتهنّى يا بيي بحياتك اللي جايي
وتتزّين حياتك دوم بالمحبّة والصّلاة
بايّام موعودة بخير والفة وصفا
عندك يا بيّيّ بوضع كلمات عنوانها الوفا
يا فرحة عمري اللي كان قصير
انت واخوتك تعيشوا كلّ العمر بسلام وخير
وتكون دوم الزّوادي هيي الصلا
وأنا يا امّي شو بعد بدّي زيد
من قلب غامرو فرحة العيد
تتهنّى يا شربل بريتا وتتبارك
من عند رب السّما والخير عليكون يزيد
رح قول من قلب طاير فيكون سعيد
يا ربّ يا امّي من عندو يعطيك
ايّام بيضا مشعشعة يهديك
وتبقوا للوفا والاخلاص عنوان
انت يا أغلى من أغلى انسان
وسعادة الدّني تكون بين ايديك
الثلاثاء أكتوبر 21, 2014 7:23 pm
