مين هيي مريم ؟
فكرتنا اليوم بتحكي عن مريم مين هيي مريم ؟
مريم هيي اول شخص قبل مشروع الله
و استسلمت استسلام كامل إلو
هيي الهيكل اللي الله سكن فيه
كل انسان بقلو تعا يا رب سكون فيي
بصير بيشبه مريم و الله بيسكن بقلبو و بيحملو بشارة حلوة
هيي مثال الصمت و التواضع و الطاعة
مثال الأمانة و الثقة
قبلت الحب وحملتو بقلبا
بفرح وعطيتنا اجمل رسالة
رسالة سلام رغم كل الظروف نثبت ونصلي
نصمت ونتأمل ع مثال مريم
ويكون عنا رجا بيسوع و مع يسوع و ليسوع نسلم كل شي ونتأكد انو معو مننمى و لنتعرف عليه اكتر
تركلنا امو امانة لنصلي متل ما علمتو يصلي
و لنمشي معا متل ما هوي كان يمشي
و تكون هيي مرشدتنا متل ما كانت ترشدو
و نسمع شو بدا تقلنا متل ما هوي كان يسمعا
بضعفنا و ضياعنا بفرحنا و بكل لحظة بحياتنا نسمع صوتا عن مين عم يخبرنا ...
بدا نتعرف عليه
بدا نحبو
بدا نسمع صوتو
بدا نكتشف رحمتو
مريم مراية بتعكس صورة السما ...