زوادة اليوم: أمير الإصغاء
بعالم الضجه اللي عم نعيشو اليوم: الموسيقى الصاخبه، الأصوات العاليه، زمامير السيارات، ضجيج الإذاعات... استوقفنا مقطع كتبو صديق عم يرثي فيه صديقو، بيقول: - كان تفكيرو بطيء، وكلامو قليل، وما كانت أفكارو أو آراؤو كتير مهمّه، ولكن حضورو كان سبب فرح لكل الموجودين، لأنو كان «أمير الإصغاء».
الزوّاده اليوم بدّها تقلّك: الإصغاء فنّ، رغم كل الضجّه المحيطه فيك، أو اللي بداخلك. دعوتنا إلك تاخد وقفه مع ذاتك، تتعلّم فيها هالفنّ، وتشوف قدّيش بيصير فيه فرح حواليك.
الإثنين يوليو 13, 2015 5:08 am
