زوادة اليوم: قلب واحد
مرّه التقى متفلسف وفيلسوف. بيسأل المتفلسف الفيلسوف: «ممكن تخبّرني ليش أللّه خلق للإنسان عينين تنين»؟ جاوب وقال: «لحتّى يشوف الخير بعين والشرّ بعين ويختار الخير أكيد». «وليش خلقلو إيدتين وإجرتين ودينتين»؟ وكان لكل سؤال جواب. بالأخير بيسألو: «طيّب ليش خلقلو قلب واحد»؟ جاوب: «لحتّى يطوف بهالدني ويلتقي بالقلب التاني، وهيك بيصيرو جسد واحد بقلبين أو قلب واحد بجسدين».
الزوّاده بتقلّي وبتقلّك، إذا بعدو قلبك ناقص ما لازم تتأخّر، لازم تفتّش ع نصّو التّاني وهيك إنت ويّاه بتصيرو واحد بقلبين، وقلبين بواحد.
الأربعاء يوليو 15, 2015 4:50 am
