زوادة اليوم: مين مستعد يموت كرمال المسيح؟

زوادة اليوم: مين مستعد يموت كرمال المسيح؟

بيخبرو عن ولاد رعيّة، بيجتمعو كل أحد ت يقدسو مع بعضُن.
بيوم أحد بيفوت ع الكنيسة تنَين مسلحين ومْلَتّمين وبيقولو ع صوت عالي: «مين مستعد يموت برصاصة كرمال يسوع المسيح؟» الكورال هربو، الشمّاس هرب، فريق الخدمة هربو، كتار من الناس هربو ويلّي بقيو بالكنيسة هنّي كتير قلال، ساعتها بيكشفو هالمسلّحين عن وجوهُن وبيقولو لخادم الرعيّة: «أبونا هلّق صار فيك تكفّي القدّاس لأنّو كل قليلي الإيمان صارو برّا».
الزوّادة بتقلّي وبتقلّك:
«إنت يلّي بتروح ع القدّاس كل يوم، قديّش عندك إيمان بيلّي عم تعملو يمّا صار القدّاس بالنسبة إلك، مش أكتر من عادة، ومجرّد واجب يومي، بعيد كل البعد عن هدف اللقاء بالرب؟»

قال القديس انبا موسى الاسود :

احتمل الخزى والحزن من اجل اسم المسيح

باتضاع وقلب شغال واطرح أمامه ضعفك ،

فسيكون لك الرب قوة

بارك الرب عمل يديكِ