لحياة زوجيّة مثالية : آرااااء

كام زوجة معانا هنا في المحاضرة ..
سأل المحاضر ..
ف رفعت معظم الحاضرات ايديهن ..
ف ابتسم المحاضر ابتسامة هادئة .. ثم قال سؤاله الثاني بطريقة روتينية بحتة وهو يرتب اوراقه على المنصة ..
و كام واحدة سعيدة في جوازها ..

لحياة زوجيّة مثالية : آرااااء 3388714743

لحياة زوجيّة مثالية : آرااااء 3388714743

لم يرفع راسه حتى ليرى العدد كأنما هو يعلم ان وﻻ واحدة سترفع يدها !

رفع راسه وقال بصوت عال مفاحيء ..

ازاي تكوني زوجة سعيدة ؟
كلكم هنا عشان تعرفوا ازاي توصلوا لكدا ..
مظبوط ؟

لحياة زوجيّة مثالية : آرااااء 3388714743

همهمات تدل على الموافقة ..

طيب ..
مبدئيا ﻻزم نحفظ كلمة اساسية ها نبني عليها كل اللي جاي ..
احنا الزيت .. و انتوا المية ..
تمام ؟

لحياة زوجيّة مثالية : آرااااء 3388714743

ﻻحظ المحاضر علامات البﻻهة على وجوه الحاضرات ف تنهد بفتور و قال موضحا ..
ان الست زي المية .. ليها كل خصائصها .. خفيفة .. سهلة الغليان .. سريعة التبخر .. تبرد بسرعة و هي عنصر اساسي في الحياة .. زيادتها تموت .. و قلتها تموت

الزيت .. ثقيل .. بياخد وقت اطول ومجهود اطول عشان يوصل للغليان .. ما بيتبخرش .. بياخد وقت اطول بكتير عشان يبرد .. حارق و ممكن يؤدي الى كوارث لو ما تعملناش معاه بحرص ..

تمام كدا ؟

لحياة زوجيّة مثالية : آرااااء 3388714743

فابتسمت الحاضرات مع اصوات همهمات و تبادل نكات بين البعض ..
فابتسم هو كانما قطع شوطا كبيرا من محاضرته فاكمل قائلاً ..

هل ينفع نقارن الزيت بالمية ؟
عاوز اسمع اجابتكم بصوت عالي ..

ف ردت الحاضرات بصوت واحد قوي .. ﻷ ..

اتسعت ابتسامته وهو يقول ... طب احفظوا ردكم دا كويس ..

خليني تتكلم عن الزوج العادي الطبيعي تماما ..

الرجل يا هوانم بيقبل بادنى درجات الحب ..

لحياة زوجيّة مثالية : آرااااء 3388714743

هنا تعالت أصوات شهقات من الحاضرات و وقفت احداهن لتقول ..

ادني ازاي يعني ؟؟؟ دا ان ماكانتش كل حاجة على سنجة عشرة يطلع عيني !!

ف رد هو قائلاً .. بيتهيألك ...

عشان " انتي " بتحبي جوزك فبتبقي عايزة تعملي كل حاجة على سنجة عشرة !
احسن اكل
كل يوم صنف و اتنين
مافيش اكل بايت .. هدومه مكوية اول باول .. عياله نضاف البيت ب يبرق الخ الخ الخ

الراجل مش عاوز كل دا على فكرة .. وﻻ حتى واخد باله من كل دة !!
يعني لو حضرتك ريحتي نفسك شويتين ها يبقى عادي عنده برضه

لحياة زوجيّة مثالية : آرااااء 3388714743

ارتفعت شهقات الحاضرات مرة اخرى فاكمل مسرعا

الراجل ما يفرقش معاه كل محشي واﻻ فول النهاردة
سمك و بيكاتا و اﻻ بصارة و عدس !
المهم انه ياكل و يشبع .. بس !

لحياة زوجيّة مثالية : آرااااء 3388714743

مش مهم عنده انتي بتغسلي الهدوم اول باول و بتستعملي المسحوق الفلاني اللي بيطلع البقع و المعطر العلا ني عشان الهدوم ريحينها تبقى مفحغحة واﻻ بتكوي يوميا او ﻻ.. المهم عنده انه يلاقي هدمة مكوية يلبسها وهوة خارج و بس !

لحياة زوجيّة مثالية : آرااااء 3388714743

بدات الحاضرات ينظرن الى بعضهن البعض غير مصدقات ..
الراجل ليه الخطوط الاساسية اللي بيعيش بيها ..
الراجل ما يفهمش حاجة اسمها التفاصيل .. ما يعرفهاش .. وﻻ عمره هاياخد باله منها ..
و الدليل ..
انتي لو صبغتي شعرك مش هاياخد باله .. انما لو اقرعيتي احتمال ينتبه ..

لحياة زوجيّة مثالية : آرااااء 3388714743

هنا تعالت أصوات الضحكات من الحاضرات ..
ف ابتسم هو و اكمل ..

احنا مش زيكم .. احنا " الزيت " بيركز في مكانه و مالوش في التفاصيل الكتير
انا مش عاوز ادوش مخي
انا ب احب مخي فاضي .. لانه مدووش اصﻻ بالشغل و المصاريف و دول كفاية عليا جدا ..

لو عاوزة تكوني زوجة سعيدة .. مش مفروض تموتي نفسك عشاني !
انا كدا كدا عاوز منك الخطوط الرئيسية .. اديهالي و بس !
صعبة دي !

لحياة زوجيّة مثالية : آرااااء 3388714743

فقالت احدى الحاضرات..
يعني الحق عليا اني باجي على نفسي عشان اعملك اكله حلوة كل يوم و اﻻ عشان ب انضف البيت يوميا واﻻ عشان عاوزا اعملك احسن حاجة ؟

هنا رد المحاضر ببرود ..
ومين قالك تعملي كدا ؟

لحياة زوجيّة مثالية : آرااااء 3388714743

كان الرد صادما لدرجة ان القاعة كلها صمتت صمتا تاما ..
بينما اتسعت حدقتا السائلة و عندما همت بالجلوس كرر هو السؤال ..

حضرتك ماردتيش عليا ؟ مين قالك تعملي كدا ؟؟
جوزك طلب منك دا ؟؟

تلعثمت قليلاً ثم قالت ..
ﻷ !
بس هو دة جزاتي عشان ب اجي على نفسي عشانه ؟
عشان ب اضحي عشانه ؟

لحياة زوجيّة مثالية : آرااااء 3388714743

رد هو بنفس البرود ..
حضرتك ضحيتي باختيارك .. ب تحاسبي زوجك ليه ؟؟!
انا فان جوخ قطع ودنه عشان يهادي بيها حبيبته .. حبيبته ليها ذنب ؟؟

صمت في القاعة ..
فردد بصوت صارم
ليها ذنب ؟

لحياة زوجيّة مثالية : آرااااء 3388714743

فردت الحاضرات بصوت خافت ..ﻻ ..

ابتسم هو بينما قال .. بالمناسبة معلومة انه قطع ودنه عشان حبيبته دي غلط ..

نرجع لكلامنا ..
الرجل ما يفهمش معنى التضحية في الحاجات دي
واحدة عملت محشي النهاردة .. برافوا
عملت فول بكرة .. و ماله ..
عملت تونة بعده .. مش ها اموت وﻻ ها اقتلك يعني !!!

انتوا اللي بتحبوا تاخدوا دور الام كامل .. مع انك مجرد زوجة .. و اما " تعوديه " على كدا و يبتدي يحاسبك على " تقصيرك " في اللي انتي خلقتيه .. تزعلي !!

لحياة زوجيّة مثالية : آرااااء 3388714743

طب ماكان من الاول ..
اهم قاعدة في الزواج السعيد .. اعملي اللي في مقدرتك مش اللي اكتر من مقدرتك ..
عشان انا كزوج .. ها اعمل اللي في مقدرتي و بس ..

لحياة زوجيّة مثالية : آرااااء 3388714743

هنا وقفت سيدة اخرى و قالت ..

بس مش كل الرجالة كدا !
لو على مثال الاكل .. في رجاله لو مش كل يوم صنف محترم تقلب البيت حريقة

هنا ابتسم المحاضر و صفق بيديه قائلاً ..
امسك تخصص ...
بمعنى ..
الزوج دا عنده شيء محدد بيحبه بطريقة معينة .. خلاص .. يبقى اعمله دا بطريقته ..
يعني.. الزوج عاشق الاكل .. انبساطه في الاكل
الزوج عاشق الدلع .. انبساطه في الدلع مع مراته
الزوج عاشق المراة الجميلة
انبساطه في جمال زوجته

ايه المشكلة !

لحياة زوجيّة مثالية : آرااااء 3388714743

انما تعالي بقا ادي الزوج عاشق الاكل زوجة قمر بس فاشلة في الطبخ .. وﻻ اكنه متجوز و ها تبقى ايام سودة
لانه مش اهتمامه ااصلاً هيه جميلة او ﻻ ..

يبقى قاعدة رقم اتنين ..
اوفر مجهودي للحاجة اللي ها تعمل فرق عند زوجي .. عشان ما اهدرش طاقتي و اضيع وقتي ع الفاضي ..

لحياة زوجيّة مثالية : آرااااء 3388714743

سكت برهة ثم قال لاحداهن ..
لو سمحتي ..
ممكن تناوليني الكوباية اللي ع المكتب دي ؟
و اشار الى كوب يبعد عنه مسافة ذراع فقط ..

فقامت السيدة و تحركت من كرسيها مسافة 3 امتار و ناولته الكوب ثم عادت لتجلس ..

ف ابتسم هو و قال ..
و الله انتي ست جميلة ..

لحياة زوجيّة مثالية : آرااااء 3388714743

ثم اتبع
حضرتك اديتيني الكوباية ليه ؟
ف ذهلت الحاضرات بينما ردت السيدة بحيرة
مش انت قلتلي اديهالك ؟؟؟

فقال هو ..
يعني انتي قمتي من مكانك و مشيتي 3 متر و ناولتيني الكوباية و بعدين رجعتي ال 3 متر و قعدتي في حين كان ممكن انا " اميل " بس في اقل من ثانية و اخدها !

لحياة زوجيّة مثالية : آرااااء 3388714743

القاعدة رقم تلاتة للزوجة السعيدة ..
ما تشيليش شيلة مش شيلتك .. عشان اللي يلاقي دلع و ما يدلعش يبقى غبي ..

الزوج طول الوقت قبل ما يبقى زوج بيتعامل كابن
ماما غالبا بتعمل كل حاجة.. ف لما باتجوز ب استكشف تدريجيا ايه الكائن اللي اتجوزته دا
لو حطيتي نفسك في خانة الام .. ها اعاملك زي ما باعاملها فورا .. من عقلي الباطن حتى و بدون ما احس ..
و ساعتها انتي اكتر واحدة ها تندمي ..

فاهمين قصدي ؟

لحياة زوجيّة مثالية : آرااااء 3388714743

ف ابتسمت الحاضرات مع همهمات تفرقت بين التحسر و الايجاب ..

طب انا شايف ناخد بريك و نرجع نكمل بعد شوية ..

شرفني وأسعدني مرورك الآثر الّذي أثرى موضوعي وزاده غنىً أختي بنت العذراء

لكِ تحيّاتي المسائيّة العطرة

» الصحة مثالية للأطفال
» قواعد قصيرة لحياة التقوى
» لحياة اسريه يملؤها السلام
» لحياة الابدية تبدأ الان!!!