زوادة اليوم : الصّلاة

زوادة اليوم: الصلاة

بيخبرو عن مُرسَل كتب لَرَيسو وقلّو: «يا معلمي الحصاد كتير والعمّال قلال، وهوني أنا وحدي ما عم لحِّق، بترجّاك ودّيلي حدا يساعدني، يا سمحلي إرجع ع بلدي».
بيردّ الريّس وبيقلّو: «قدّيش عم بتصلّي بالنهار؟» بيجاوبو المرسل: «بالكاد نِصّ ساعة».
بيقلّو الريّس: «بلكي بتزيدُن ساعة».
نفّذ المرسل أمر ريسو، وبعد فترة كتبلو وقلّو: «أنا ما بقيت بحاجة لحدا، ما بعرف الأمور كيف عم تِنحَلّ، حاسس بقوة كتير كبيرة عم ترافقني وهيّي لّي عم بتخلّيني كمّل برسالتي للآخِر».
الزوّادة بتقلّي وبتقلّك:
«إذا كنت متّكل ع الضمانات البشرية، ما تنسى إنّك إبن الله وإنت قوي بيلّي بيقوّيك، وبواسطتو بتعمل كلّ العجايب»

» زوادة اليوم : الصّلاة والعمل
» الصّلاة والدّموع
» لنبدأ الصّلاة
» زوادة اليوم: مش إلي... إلو
» زوادة اليوم: إبق معي يا رب