زوادة اليوم : ٥٠٠ $

زوادة اليوم : ٥٠٠ $
بيوم من الإيّام، وكان في محاضرة، بيحمل المحاضر ورقة 500 دولار وبيسأل: «مين منكن بدّو تكون ال500 دولار من نصيبو؟» كل الموجودين صرّخو بدُّن ياها.
وهون بلّش هالمحاضر يجعلِك ورقة ال 500 دولار وسألُن من جديد: «مين بدّو ياها؟» الكل رفعو إيديهن.
قدّام هالمشهد كبّ المحاضر الورقة ع الأرض ودعسها حتّى صارت كِلّا غبره وتراب، وأخدها بإيدو وسألُن مرّة جديدة: «مين بدّو ال 500 دولار؟» الكل رفعو أيديهن.
بيقول المحاضر: «لازم أنا وأنت نكون تعلّمنا درس مهم كتير، مهما صار بورقة 500 دولار هالورقة ما فقدت قيمتها والكل بدُّن ياها. نحنا كمان مهما وقعنا وقسيت علينا الحياة، وإنكمشنا ع حالنا، لازم نضلّ محافظين ع قيمتنا».
الزوّادة بتقلّي وبتقلّك:
«إنت أهمّ بكتير من المال، والله حَطّ فيك طاقات كتير كبيرة. ما تسمح لظروف الحياة تهمشك وتقلّل من أحلامك... إنت إبن الملكوت».

» زوادة اليوم: عالم اليوم والتحدّيات
» زوادة اليوم : إلى أين ؟؟
» زوادة اليوم: وين كنت
» زوادة اليوم: مش إلي... إلو
» زوادة اليوم: إبق معي يا رب