سعاد
الادارة العامة
عدد المساهمات : 22227
نقاط : 30251
تاريخ التسجيل : 10/10/2014
الموقع : لبنان
 | موضوع: زوّادة اليوم : شو منقدّم للملك ؟؟  السبت ديسمبر 31, 2016 6:40 am | |
| زوادة اليوم: شو منقدّم للملك؟ بيخبرو عن ملكة حبّت بيوم من الإيّام تتمشّى ع الطرقات من دون رسميات، بسّ قد ما حظّها عاطل، الدني بلّشت تشتّي، وما كانت منتظرة يصير هيك. كان الحلّ الوحيد تدقّ ع باب أقرب بيت بتوصل عليه وتطلب شمسيّة من أهل البيت. وبالفعل هيك صار، وصلت ع بيت كان مبيّن إنّو أهلو مرتاحين ع أوضاعن الماديّة، دقّت ع الباب، فتحتلا سِتّ البيت يلّي صارت تفكّر بقلبها وتقول: «معقول إعطي شمسيّة جديدة لَمجرّد عابر سبيل، أكيد هالأمر مش منطقيّ!؟» كرمال هيك جابت شمسية قديمة وعطيتها للملكة... شكرتها الملكة وفلّت... تاني يوم إجا موظّف الملكة لعند سِتّ البيت، وجايب معو هديّة من الملكة بتعبّر فيها عن شكرها لعمل الخير يلّي صنعتو معها هالسِتّ. بسّ صاحبة الشمسية دمّعت لأنها ما عطيت الملكة أحسن شمسيّة عندها! الزوّادة بتقلّي وبتقلّك: «هل يا تُرى عم نعطي أفضل ما عنّا للملك يسوع يلّي وهبنا ذاتو؟ أو عم نعطيه من الإشيا البالية يلّي عنّا، متل صاحبة هالبيت؟» | |
|
بنت العذراء
خادم الرب
عدد المساهمات : 3497
نقاط : 3763
تاريخ التسجيل : 10/10/2014
الموقع : فلسطين
| | موضوع: رد: زوّادة اليوم : شو منقدّم للملك ؟؟ السبت ديسمبر 31, 2016 10:25 am | |
| | |
|
سعاد
الادارة العامة
عدد المساهمات : 22227
نقاط : 30251
تاريخ التسجيل : 10/10/2014
الموقع : لبنان
| | موضوع: رد: زوّادة اليوم : شو منقدّم للملك ؟؟ الخميس يناير 12, 2017 8:48 pm | |
| | |
|
