كلمة ف سرك يارب بجد واحشتنى

كلمة ف سرك يارب بجد واحشتنى
كلمة ف سرك نفسى اوى لحضنك الغالى تضمنى
مش هقولك قد ايه مكسوفه من فتره البعاد
مش هقولك عملت ايه فيا كتر القسوه والعناد
اكيد انت عارف ومش محتاج منى كلام
اكيد كنت شايف ومستنى ان اطلب منك التدخل و ملئى بالسلام
بس رغم كل ده انا ماهونتش ابدا عليك
برضو رغم كل ده كنت بشوفك دايما واقف مادد ليا ايديك
عارف يا رب انا قربت احسد نفسى عليك
ياااه يارب لو اقدر بجد اوصف للناس حبى ليك
ساعات كنت بستغرب ع اللى بيسيب العالم ويعيش لوحده ف البريه
كنت اقول ف نفسى معقول بسهوله كده نفسهم عن العالم مستغنيه
يااااااه دى نعمه كبيره مش عند اى حد
دى عشره جميلة مع يسوع و محبته اللى بجد
يابختهم يارب بانفرادهم بيك
عايشين بس عشان يقدمو حياتهم ذبيحة طاهره ليك
من كل قلبى اتمنى اكون زيهم
ممكن جوه بيتى وسط ولادى انا كمان اقدم ذبيحه زيهم
ماهو كل واحد اكيد بيقدم اللى يقدر عليه
وانا زى ماانت عارف مش عندى حاجه غير قلب ضعيف زى الطير المكسور جناحيه
بس انا عندى ثقه فيك فوق الوصف
عندى ايمان انا عارفه انه ضعيف جداااااا
بس بدفعه منك هكون انسان جديد
يقدر ع كل حاجة حتى كمان يحل الحديد
بحبك اووووووى ياربى

اشكر حضوركم الجميل

الذي اضاف لموضوعي

روعة وجمالا

» "يارب"
» انت يارب معين
» يارب يامعين
» ادينى يارب
» يارب اقبل منا