كلمات ترنيمة لما الحمل بيتقل فوق أكتافى
لما الحمل بيتقل يتقل فوق أكتافي
لما الشر بشوكه بيجرح قدمى الحافي
لما مرارة كل خطيه تمرر حلقى
بلقى دموع التوبة يا ربي دوايا الشافي
بلقى الراحه في ساعة صلى بتكون وياك
آيه أتأمل فيها يا ربي في قعده معاك
كلمة أتأمل فيها باعتها في الأنجيل
تبقى جناح يرفعنى يا ربي واطير لسماك
وقتها بلقى حملى ده كله خف و زال
وكأن إنت يارب رفعته قوام فى الحال
بلقى الراحه يارب حقيقى وأنا وياك
بلقى حياتى ملاها سعاده وفيها سلام
بنسى الشوك و الشر و بنسى كل خطية
و أفتكر إن أنا إبن وعود صادقة و سماوية
و أفتكرأن انا أخذت النصرة على إبليس
بيك و فتحت بدمك إنت الفردوس لي
الأربعاء ديسمبر 31, 2014 1:07 pm
