رسالة لبيي
بليلة عيد مار الياس
عيدك يا الياس يا بيي
------------------
من قديش يا بيي
ضاقت الدنيي بعينيي
من اوّل رحلتي المكوكيّي
ببحر هالدني الغنيي
بالشقا والدموع ...
بآهات غربة وولوع ...
كنت لمراكبي الشراع ...
عينيك ع قد ما الدني بتساع
كانت لقلبي ولدربي رفقاتي
وملجا لتعبي ولكلّ شي فيي ...
ومن يوم ما ع السفر نويت
ومطرحك فاضي بقي بالبيت
قديش من وقتها قلت انا يا ريت
هالبسمي الحنوني الرضيي
بقيت معنا وما خلّيت ....
طير الشوق يخبّر قصّة حنيني
وبكل مطرح يسرق أنيني ...
ويقول بلسان حالي ...
يا ريت ... يا ريت مافليّت
يا أعزّ الناس يا رفيقي ويا صديقي ...
يا مشكى ضيمي ووجعي يا بيي ...
الثلاثاء أكتوبر 14, 2014 8:38 pm
