رح خبركن شوي عن المي
لاشكل و لا لون ولا طعمة
بتاخد شكل مطرح ما بتنوجد و بتتلون بلحظة و بتعكس اللون ، اخضر ازرق ابيض احمر اسود و متل المراية مطرح ما بتكون
المي بدون طعمة بس الحلو بالمي انو بتروي العطشان و بتسقي الأرض و حاجة مهمة كتير للطبيعة تبقى موزونة ، الميّ بتنظف كل الوسخ
و جسم الأنسان بنسبة كبيرة مكوّن من المي
الانسان تحت المي بموت
السمكة برات المي بتموت
الشتلة المعومة بالمي بتموت
الشجرة اللي بينقصا مي بتموت
هالقد المي مهمة كتير
تخايلو قلب بدون دقات
انسان بدون حياة شو النفع
وهيك الدني بلا ميّ بتفقد الحياة
بيقولو الناس المي فراق
واللي بيرمي التاني بالمي خسارة
المعمودية بالمي معمودية التوبة
هيك كانت معمودية يوحنا ويسوع تعمد ليتشبه فينا و هوي يعمدنا بروح الله لتصير نظافتنا خارجية و داخلية ... مع يسوع بلش الله يرسم اجمل صورة لخلاص البشرية صورة الحب الإلهي يلي عطت للمي اجمل طعمة و احلا لون و بتتحول المي اللي فينا لخمر طيب بيشقي
معموديتنا هيي شهادة مختومة
شهادة بنوة شهادة ايمان و صلاة
لأنو بالمعموية صرنا بشراكة مع السما
بتواصل مبني ع صخرة اساسا كلمة الله
وتقدست المي و تباركت
من لما اللي خلقا نزل فيا بنهر الأردن
غمرتو متل الطفل بأيدين امو
ومن السما الله حكي ابنو للعالم عطي
و بالروح اجتمع الثالوت ورقصت الملايكة بالسما
و السمكات اللي بالمي سجدو و الشجرات بأغصانا رفعوا صلوات ملت كل الدني
عمدنا يا يسوع
غمرنا بأيديك و علمنا نصلي
عطينا النعمة لنجمع ما نفرّق
لنحب و ما نحقد لنسامح و نغفر
السبت يناير 10, 2015 8:36 am
