، مار انطونيوس يا بيّ الرهبان ،،
،،،،،بقلم الياس ي. عون ،،،،،
،،،،،،،،،،،،،،،،،،،،،،،،،،،،،،
يا نجم القداسة الكون بيحَّيّيك
وبزهدك البطولي بيفتخر فيك
يا مار انطونيوس يا بيّ الرهبان
لو افراح الدهر بتنجمع ما بتكفيك
ما احلاك كلام الانجيل عشقان
وعا النسك بالصحاري يوديك
تجاهد بالصلا ضد الشيطان
والرب يمدك نِعَمْ تا يقويك
تعيش الضيق والفقر والاحزان
تنادي السما وما مين يناديك
وكأنك ما كنت ولا إسمك كان
عشرين سنة والليل ما يغفيك
راكع عا الشوك تبتهل سهران
والغربة عن عيون البشر تخفيك
تا صارت الصحرا واحة حنان
تاخد من وجع الروح و تعطيك
من بعدها إجوك طالبين الايمان
يشحدوا من روحانيتك ل مداميك
تا يأسسوا بالعالم نواة الرهبان
وعند الندر كل راهب يسميك
يتمتل بصدق وفائك للحلفان
وبالعفة والفقر والتواضع يلي فيك
السبت يناير 17, 2015 12:02 pm
