هوا الحقيقى

هوا الحقيقى
شيطان بيتكلم
وبيقول خليك معايا وانا اعرفك متعة الايام
فلوس وجاة ومركز
وممكن كمان اخليك سلطان
بس انت فتح دماغك معايا وقصر فى الكلام
انا صحبك
وصحبك ماينفعش تقول علية شيطان

ياما قبلك ملايكة عاشو معايا فى النعيم
مهما روحت ولا جيت هتعمل اية انت يابن الانسان
انا عايش بقالى كتير وعارف ازى بيغدر الزمان
وانت هتروحلى فين يدوبك انت لسة عمرك كام

ابعد عنى يابن البركان
انت فى كل كلامك غلطان
انا مسيحى ومسيحى غلب الشيطان

ابعد عنى يابن الجحيم
لو فكرك
هتغلبنى تبقى بتحلم
انا سايبك عمال بتتكلم
وانت ديتك عليك بالصليب هارشم

ابعد يابن الشر
اوعى فكرك
يخليك تتغر
انت مهما كبرت برضو صغير
اصلك عليا مش هتقدر
واللى مش مع يسوعى يخسر

كلمة من قلبى صدقنى
انت مش هتعرف تغرقنى
وانا عارف انك بتتمنى تكسبنى
وبكل الطرق بتحاربنى
وهيكون يوم عيدك لمه تغلبنى
بس يكون فى علمك انا مش لوحدى

انت مش حقيقى
وهوا الحقيقى
هوا الحقيقى
اللى اضرب واتجرح
اللى جانبة فى لحظة اتفتح من ضربة رمح
وكنت انت السبب
وكان متهيقلك انك بكدة هتغلب
بس برضو هوا اللى يكسب

هوا الحقيقى اللى نام وقام
اسف
قصدى اللى مات
ايوة معلش
اصلها تفرق فى المعنى
وبقولك اهو لو كنت ملك اعملها
ولا بلاش دى طيب امشى على المياة
ولا اقولك فتح اعمى طيب اعمل اى حركة جدعنة
فين قوتك امال من الصبح عمال تقولى انا
وانا وانا

هوا الحقيقى
بحس بيه فى وقت ضيقى
بشوفة فى حياتى فرح حقيقى دايما بيشيل الشوك اللى خانقنى
عمرة ماسبنى ولا فارقنى وانت جاى دلوقتى
فى غرور الدنيا بتزوقلى وعايزنى اغلط عشان يبعد عنى
وتكون انت السبب متهيقلى انك مابتعرفش تحسب
عارف لية عشان انا باسم مسيحى هكسب

هوا الحقيقى
اللى كلامة بيطمنى اللى دمة بيجرى فى دمى
اللى بيبقى ابويا وامى اللى دايما شايل همى
اللى دايما بحس انه منى
ولو بعيد انا هوا بيبقى جنبى
هوا الحقيقى

اللى فى غربتى بيساعدنى
اللى عن شر الدنيا بيبعدنى
لمه اندهله على طول بيسمعنى
وقبل ما اكلمه هوا بيكلمنى
ولو توهت فى سكتى بيعرف يرجعنى
عمرى ما احتجت حضنة ولقيته منعنى

هوا الحقيقى

نور الارض والسما صاحب افضال علينا
ولو فضلنا طول عمرنا نقول عمل اية معانا
يبقى هتكلم كمان مية سنة وياريت
هيقدر يوصف كلامنا كل اللى فى قلوبنا
عشان نعرف نوفى حق سيدنا اللى هوا مسيحنا

هوا الحقيقى

اللى دايما بيكلمنا ويقول لينا
انا هوا الكلمة الطيبة والحياة والموت برضو انا
انا عيون الليل فى السما وكل اللى شرب دمى يبقى ابنى انا
وطريق البر يبدأ من هنا هو تملى ايده فى ايدنا
من فوق الشوك بيعدينا مش شايفينو بس هوا شايفنا
تملى عينة علينا على مر الايام معانا
قلبة كبير بيشلنا كلنا وهوا اكتر واحد بيحبنا

هوا الحقيقى

اللى اتحدة الموت وغلب
بعد رحلة الم وبعد منها الصلب اللى مشوفتش زيو قلب
اللى مافيش غيرة معنى للحب اللى تملى على الواحد يطبطب
وفى اى طلب يقول طيب اللى فى كل بيت من بيوتو سايب
تلميذ شاطر من تلاميذو بيطيب

هوا الحقيقى
المسيح الهى الدم البريىء
مصباح الطريق خير رفيق
هوا الحقيقى
ملك الملوك اللى داس على الموت
صاحب تاج الشوك اللى اتولد فى المزود
هوا الحقيقى
ابن الالام امير فى اى مكان
بجد تحس انة السلطان
فى كل وقت وفى كل زمان
هوا الحقيقى
الامل والروح طبيب كل مجروح
معنى حقيقى للفرح كلمة منة فى اى لحظة بتريح

هوا الحقيقى
الحضن الدافى القلب الوافى
نور عمره مايختفى طعم الشهد صافى
هوا الحقيقى
معلم الاجيال
حناين فوق الخيال
صانع جميع انواع الجمال
ساكن البحر وعايش فى حضن الجبال
هوا الحقيقى
____________

اشكر حضوركم الجميل

الذي اضاف لموضوعي

روعة وجمالا