ازاى نرتاح ف دنيا غريبه عننا

ازاى نرتاح ف دنيا غريبه عننا
ازاى نرتاح واحنا حاسين بغربه بين ناسنا واهلنا
ازاى نعيش مع ناس تاه عنها الطريق
ازاى نرتاح مع بشر لا يمكن تنقذ اى غريق
ازاى نحس بالأمان واحنا كل يوم بنشوف قسوه من البشر
ازاى نعيش ف فرحه مع ناس قلوبها حجر
كل واحد ماشى فى سكته وبايع القضيه
مفيش حد بيحب بجد ولو لقيته تبقى قضيه
تقعد تفكر ازاى وليه وامتى وفين
وساعتها تضيع سنين وسنين وسنين
طب ايه الحل .. قولى ياعم غريب
قولى اعمل ايه عشان مبقاش زيك غريب
هقولك بس ركز معايا وفتح عنيك
هقولك خبرة سنين وهاديهالك بين ايديك
بس مادام عرفت لازم ياشاطر تتصرف
عشان متبقاش زى غيرك ده انت جدع وعايز تعرف
انا قعدت سنين وسنين بدور ع الطريق الصح
ولقيت كل واحد ف الدنيا ديه بيقول .. يا عم انا اللى صح
امشى معايا وانت ترتاح وتبقى سعيد
وكنت بجرب واقول يمكن الاقى ف يوم الامل البعيد
وجربت وجربت وسافرت واتغربت
ف عقول الناس وقلوبهم وياما تعبت
لحد مافى يوم بصيت لواحد ماشى بعيد اوى
غرقان ف دمه ومجروح وشايل حمل شكله تقيل اوى
بقوله انت ايه اللى عمل كده فيك
ده انت شكلك ضعيف ومردول وحملك يكفيك
قالى بصوت غريب اوى لكنه ملوش مثيل
صوت مليان حنيه والم وفرحه ومشاعر كتير
قالى انا الوحيد اللى ممكن اشيل عنك كل الاحمال
عشان انت واخوك وابوك ترتاحو من الاثقال
انا الوحيد اللى لمه مت كان موتى حياه
انا الوحيد اللى غليت وبقى فى ايدى مفتاح الحياه
مكنش ليا اى ذنب وانا البار الوحيد
بس لمه الأب امر اطعت بلا تأجيل ولا تحديد
جيت وقولت ياناس انا كل اللى عايزه انكم تكونو احباب
انا كل اللى بقوله انكم تفتحو ف قلوبكم باب
افتح ف قلبك باب للحب وافهم ازاى وليه انا اديتك حياه
افهم انك لو مش هتحب غيرك ملكش اى فرصة نجاه
انا كل اللى عايزه انى اكون حبيبك والهك والعريس
اكون انا بس اللى معاك وجواك وف حياتك
قولتلك من زمان ملكش شبع من غيرى
قولتلك دور ولف وشوف لو لقيت معين غيرى
دورت ولفيت وشوفت مالقيت وجريت وجريت
واتمنيت وحلمت ورجعت وندمت وبكيت
جيتلك صارخ وطالب فرصه تانيه للنجاه
قولتلك راجع ياالهى يااعظم واحن اله
قولتلك بدموعى وبجراحى انا جاى وكلى امل
انك تمسح دموعى وتقول ليا ايه العمل
تقول ليا ازاى ارجع تانى ابيض ونظيف
تمسكنى ايدك وتشيل منى كل غش وزيف
لو رضيت انى اكون معاك وبتاعك من تانى
هترجع ليا الحياه واعرف ساعتها فين مكانى
مكانى الوحيد كان جوا جروحك ومكان دق المسمار
كان ف جنبك الطعين ع ايدين خسيس جبار
كانو فاكرين انك كده حياتك خلصت وان مصيرك هيكون زى غيرك بين نيران
مكانوش عارفين انك غلبت الهلاك وافنيت سلطان الشيطان
اللى صلبك مكنش عارف ان بصليبك الخلاص هيتم
وان الحياه رجعت لينا تانى وادفع فيها ع الصليب دم
انا بس عايز اسئل هتقبلنى وترجعنى ليك تانى ولا مش هاينفع