تأمل مقارنه بين نينوي وداعش
وبيننا وبين يونان
لو ربنا امرك تروح تكلم داعش النهارده هتعمل ايه
أيوه..ماتستغربش السؤال..!!
الموصل مقر داعش ، هي نفسها زمان ، نينوي المدينة العظيمة في شرورها أمام الله..!
إيه رد فعلك دلوقتي بعد ماعرفت كده ؟!
إيه موقفك بعد ماشوفت فيديوهات كتييير عن حرقهم وقتلهم الوحشي للناس ؟!
وإيه شعورك تجاه الداعشيين دول ؟!
#خوف..؟!
طبعااا ومين ماخافش لما شافهم بيحرقوا انسان حي ، ويصوروه كمان لحظة بلحظة..!!
#انتقام..؟!
طبعا ، ومين ماقالش يارب افنيهم من علي وش الارض
وتنزل نار م السما تولع فيهم ،زي ماحرقوا قلوب الناس..!!
#صلاة_لتوبتهم..؟!
طبعا لأ !! هما بعد ماعملوا كل ده ، حتى لو تابوا ، ربنا هيقبل توبتهم ..؟!!
إيه رد فعلك بقي دلوقتى لو كلفك ربنا
تسافر الموصل تكلمهم عن التوبة والرجوع ليه.. ؟!
سامحنا يا يونان لأننا لومناك كتير علي هربك ، ونومك في السفينة
وعلى غيظك لما ربنا رحمهم توبتهم..!!
وأشكرك ياإلهي الصالح
لأنك لاتشاء موت الخاطي مثلما يرجع ويحيا
ولا تتأثر محبتك للإنسان بمقدار شره ، بل تعطي الكل فرصة للتوبة
و تري في كل إنسان ولو فتيلة مدخنة ، فلا تطفأها
الأحد فبراير 08, 2015 2:17 pm
