محتاج لرحمتك يارب
عشان طريقك يارب صعب فى اوله
والاصعب انى بجد ياربى اقدر اكمله
كتير انا بمشى فيه واقع وارجع من تانى
اقول طريقك صعب ومش عشانى
ضعيف انا يارب وماعندى خلاص قوه
شيطان اليأس كتفنى وهزمنى من جوه
لكن انا مش سعيد وهمومى حنيانى
واكيد هابقى سعيد لو عودت من تانى
لكن املى الوحيد تيجى وتنقذنى
ده انا قاعد وحيد وجمب البركه مستنى
ولا ليا حتى صديق ف الشده يسندنى
ضاع منى الطريق وعنيا معميه
مولود اعمى وارادتى جوايا مطفيه
غرقان ف بحر غويط مليان بخطيه
استنى عند البير عطشان انا لصوتك
عشمان ف محبتك تهدينى ملكوتك
انا لص عاش حياته مش دارى بوجودك
واغفرلى ياربى ضعفى ما انا ياما انكرتك
وشوفت صورتك قدامى وعملت مش عارفك
واحمينى من اى محبه لغيرك هترمينى
ف سكه بعيد عنك ع النار تودينى
واوعى يجى يوم تسمحلى فيه ابيعك
والاقى ياسى عمانى وبعدنى عن ايدك
وبحبل انهى حياتى واتوه عن طريقك
السبت مارس 28, 2015 11:09 pm
[/ltr]
