شكوتى لغيرك مذلا حتى لو العمر ولا

شكوتى لغيرك مذلا حتى لو العمر ولا
انت فوق كل البشر ومعاك الحزن لا
فوق صليبك دم سال انت صانع المحال
وصفك ابرع جمال ولحنانك قلبى مال
شكوتى لغيرك هوان انت صانع الايمان
ومهما الظلم كان انت فوق كل كيان
جوة حضنك فرحى بان
خبطتك فوق البيبان
بتنادينى ... افتح يابنى العمر هان
ولمه افتح والقيك اترمى انا بين ايديك
وقلبى يهتف ويناديك انا ملكك انا ليك
فرحتى ف نظرة عنيك طيبى من لمسة ايديك
انا عبدك انا ليك فرحتى لما القيك
هما عايزين يقتلونى يدسونى ويهنونى
وبظلمهم عايزين يبيعونى ويشترونى
مش عارفين انك معايا قوتى وفرحى وعزايا
لو ظلمونى انت عارف الحكايه
لو هانونى انت هتكون معايا
لو جرحونى انت هتكون شفايا
لو قتلونى هيكون يوم فرحى وهنايا
يوم موتى هسمع صوتك بيقول افرح يابنى بسماية
شكوتى لغيرك سراب لانهم جايين من تراب
وانت خالق الحياة وفى حنانك قلبى داب
يايسوع يانور عنيا يافرحى وكل ماليا
للسماء هرفع عنيا وقلبى يكون معاك
مهما يكون ظلم وهلاك انت بترسل ملاك
ولمه اصرخ صرختى توصل سماك
فرحتى هتكون معاك
دمعتى بتزيد بكاك ضحكتى فرحة رضاك
بهجتى نور ضياك حلمى انى اعيشك معاك
افتخر انى معاك وانى مدعو لسماك
شكوتى لغيرك انين وفى قلبى ليك حنين
واثق انك معايا فى كل حين
_____________________