انا حى بيك
++++++++
انا حى بيك ***يا شمس الحياة
متكون من تراب *** وروحى فى الاله
يامن صنعتنى *** وسكنت فى اة
وشىء بيشدنى *** من ارضى للسماء
وياه محلاه *** تسبيح انسان سابح لله
وفى مراة *** شايف واخد رايح لله
وشىء جواه *** بيزيد ويفيض
ويقول الله *** ياالله يا الله يا الله
شهيقى وزفيرى *** مرهون بنسمتك
وتكونينى ومصرى *** موجود بكلمتك
قوللى انا بحبك *** هالاقينى كلى عندك
واما ترجعنى لى *** هارجع واشتاق اقربك
فى الحضره اسالنى فين *** الاقينى فى اتجاه
وجهك والاقى عينى *** مفتوحه للصلاه
مطرح ما القلب ساكن *** باسكن على رجاء
تتغير الاماكن *** والبس سكن السماء
ويسافر بى نورك *** وادوق فى الرحله شىء
من الحق فى حضورك *** يشبعنى فى الطريق
واهيم وانا بغنى *** فى دواير من ضياء
يرقص قلبى وكانى *** طفل فى ايدين باباه
حبك عملنى كائن *** بيعيش على الحب فيك
ويتدفى المهابه *** ويروح بمخافه ليك
جمراتك تحمى قلب *** العابد من اى موت
لما يريدك ويقبل *** يموت حب فى سكوت
؟!
الجمعة أبريل 17, 2015 4:30 pm
