زوادة اليوم: خود العبرة اللي بتناسبك
بيخبرو عن ستّات تنَين راحو يتمشّو بالسوق، واحدة منُّن صارت توقف قِدّام كل واجهة تتأمّل فيها، قالتلا صديقتا: «بدّك شي؟ عم بتفتشي على شي؟»، جاوبتا: «لأ، بس عم شوف قدّي في إشيا فيني إستغني عنّا».
الخبريّة خلصت هون، بسّ في دراسة واقعيّة بتقول إنّو قتل إنسان بالحرب بيكلّف نصّ دولار وإطلاق إنسان برحلة فضائيّة لإكتشاف الفضا بيكلّف خمسين مليار دولار وإنقاذ إنسان من الموت ومن الجوع بيكلّف عشرة دولارات. بتركُّن اليوم قدّام هالأعداد تتربطوهُن بالخبريّة وتاخدو منُّن العبرة اللي بتناسبكُن!
الإثنين مايو 04, 2015 4:08 am
