زوادة اليوم: الناس فئات
كان ونستون تشرشل يقول:
- الناس 3 فئات:
فئه بتصنع الأمور والأحداث
فئه بتحاول تواكب هالأمور والأحداث
وفئه بتبقى واقفه مندهشه قدامهن.
إنت اليوم من أي فئه بتصنّف حالك:
إذا كنت من الفئه التالته، فئه المتفرّجين، زوّادتنا اليوم إلك، حتى تقلّك: إنت كمان إلك دور:
الزوّاده بتقلّي وبتقلّك، ما تكتفي تتفرّج ع خناقه، كون ساعي سلام. - ما تكتفي تندهش قدّام مشروع خير، مدّ إيدك وساهم فيه. - ما تكتفي تسمع أخبار وإشاعات، اعلن إنت الحقيقه. وهيك إنت بتتحوّل: ومن مجرّد متفرّج بتصير صانع أحداث.