الصّحن الخشبيّ

موضوع: الصّحن الخشبيّ الإثنين مايو 11, 2015 4:11 am

زوادة اليوم: بيخبرو عن جد ختيار عايش مع ابنو و مرتو و حفيدو، كانت صحة هالختيار عم ترجع لورا . مرة كان عم ياكل وقع الصحن من ايدو و انكسر و بلشت تصرخ مرت ابنو و طلبت من جوزا يلاقي حل لبيو! بيقوم الابن بيجبلو صحن خشب لبيو تا يصير ياكل فيه و بيجبرو ياكل وحدو مش يقعد عالطاولة معن. زعل كتير هالختيار و بعد فترة زغيرة توفى...بعد الدفن اجو الابن و مرتو بدن يشيلولو غراضو بيركض الحفيد بيحمل صحن الخشب و بيقلن ما تكبوه هيدا الي. بيسألو بيو: لشو بدك ياه؟ بيرد الزغير : بدي خبيه حتى بس تصيرو انت و الماما ختياريي طعميكن فيه!! الزوادة اليوم عم تضوي عا معاملة الختيار بمجتمعنا هالايام، و عا نقطة تانية هيي انو نكون المتل الصالح لولادنا لأنو متل ما منتصرف رح يتصرفو! و النقطة التالتة فكرة كما تعامل تعامل... الختيار بركة لازم نحافظ عليها لآخر لحظة و عا كرامتها! و الولد متل ما بيشوف بيعمل و بيفكر انو اللي عم يعملو صح! انتبهو اي متل عم تعطوا لولادكن و الله معكن...