زوادة اليوم: خيّاطي أذكى إنسان
بيخبرو عن الكاتب الإيرلندي جورج برنارد شو كان يقول: «أذكى إنسان عرفتو بحياتي هوّي خيّاطي، لأنّو كل مرّة كنت روح لعندو، بياخدلي قياسي من جديد، بوقت يلّي بقيّة الخيّاطين بياخدو القياس مرّة وحدة، وبيصنّفو الزبون ع طول وبيحطّوه بإطار معيّن وبيعطوه قياس بالطول وبالعرض»... ونحنا هيك منعمل، منصنّف الناس وممنوع نعطيهُن فرصة حتّى يتغيّرو، مع إنّو أحكامنا، ومرّات كتيرة، بتكون مبنيّة ع أفكار مسبقة، وإذا هالإنسان جرّب يغيّر سلوكو وتصرّفاتو، منقول أكيد عندو غاية ومصلحة من ورا هالشي!
الزوّادة بتقلّي وبتقلّك «كل مرّة بتلتقي بخيّك الإنسان شوفو بعيون جديدة، واعطي مجال حتّى يكون إنسان جديد ولو غلط مرّة وتنَين وتلاتة... نظرتنا للناس بتخلّيهن يتغيّرو ع مثال نظرات يسوع يلّي غيّرت النازفة وخاطيين كتار».
الأربعاء مايو 13, 2015 4:18 am
