زوادة اليوم: ضيّعت كل عمرك
عالِم فيزيا إستاذ بالجّامعه وبحّاثه بالرياضيات، أخد سنه رياحه وراح يجدّد معلوماتو. نقّى ضيعه بالجرد. وكان يقسم وقتو بين الدّرس والمشوَره. استأجر بيوم شختوره مع الصيّاد ت يعمل مشوار بالبحيره. بيسأل الصيّاد: «يا ابني بتعرف بالرياضيات؟» جاوب الصيّاد وهو زلمي أُمّي قضى حياتو يصطاد ع طرف البحيره قال: «لأ». قلّو: «ضيّعت ربع حياتك». بعد شوي سألو: «بتعرف بعلم الفلك؟» جاوب: «لأ». قلّو: «ضيّعت نص حياتك». وبعد كمان شوي سألو: «بتعرف بالفيزيا؟» الصيّاد انخجل واستحى بس بصدق قلّو: «بالفيزيا كمان ما بعرف». قلّو: «ضيّعت 3/4 حياتك». وطرأ عطل عالشختوره، وصار دور الصياد يسأل: «يا خيّي بتعرف تسبح؟» قلّو: «لأ، إذًا ضيّعت كل عمرك».
الزوّاده بتنصحك تفتّش ع الأساس بحياتك حتى كلّها ما تضيع؟
السبت يونيو 20, 2015 4:25 am
