زوادة اليوم: فنجان قهوة عن الحيط

زوادة اليوم: فنجان قهوة عن الحيط
بيخبّر سايح، لـمّا كان بإيطاليا وبالتحديد بمدينة البندقية، فات ع قهوة ت يشرب فنجان قهوة، شوي في شَبّ بيقعد حدّو وبيقول للخادم: «بدّي تنين قهوة ومن فضلك واحد منّن ع الحيط». بيقدّملو الخادم فنجان القهوة، بيشربو وبيدفع حَق تنين. لما فل الشبّ بيعلّق الخادم ورقة ع الحيط، من بعدو فات ع القهوة رجال تنَين وطلبو تلات فناجين قهوة واحد منُّن ع الحيط، ولـمّا فلّو دفعو حق تلات فناجين، وكمان بيعلّق الخادم ورقة ع الحيط...، بيتابع السايح وبيقول: «باليوم التاني فات على القهوة رجّال فقير بيطلب من الخادم فنجان قهوة من يلّي ع الحيط، قدّملو الخادم فنجان القهوة وفل بلا ما يدفع حقّو، ساعتها بيروح الخادم وبيشيل ورقة عن الحيط وبيحطها بالجارور».
الزوّادة بتقلّي وبتقلّك:
«حلو كتير نفكّر بحالنا بسّ الأحلى نفكّر بغيرنا بلا ما نجرح شعورُن وهيك منجَسِّد كلام السيّد المسيح ما بتعرف إيد اليمين شو عملت إيد الشمال».

عبرة جميلة

لقد كان الرجل عبدًا امينًا صالحاً

فسيعوده الرب اضعافً اضعاف

زوادة اليوم: فنجان قهوة عن الحيط Godblessyouglitter

صحيح أختي جولي العطاء نعمة قيّمة من الرّب سلم مرورك الغالي يا غالية

زوادة اليوم: فنجان قهوة عن الحيط 2mqkn6g