زوادة اليوم: اترك مطرح للرب بحياتك

زوادة اليوم: اترك مطرح للرب بحياتك

بيخبرو عن شب كتير متعلّم وكان عندو حلم، يزيد معرفة أكتر وأكتر، نصحوه يزور ناسك موجود ع راس جبل، لأنّو كان حكيم متعبّد للرب، وهيك صار.
طلع الشب لعند الناسك وبلّش يخبرو عن حالو وعن إختباراتو العلمية وإنجازاتو بأكبر جامعات العالم، وما ترك مجال للناسك يحكي ولا حتى كلمة وحدة. خلال الحديث بيقرّر الناسك يقدّملو فنجان شاي، وبلّش الناسك يصبّ الشاي بالفنجان حتّى امتلا الفنجان وبلّش يكب ع الأرض وضلّ الناسك عم بيصبّ الشاي، تعجّب الشبّ من عمل الناسك وقلّو بإنفعال: «شو باك ما انتبهت إنّو الفنجان انتلا، ليش بعدك عم بتصبّ فيه؟ ما بقا يساع»، ضحك الناسك وقلّو: «اسمحلي قلّك إنت متل هالفنجان، متلان من ذاتك وفايض عنّك، منّك تارك ولا أي محل لألله حتّى يملّيه».
الزوّادة بتقلّي وبتقلّك:
«خلّي على طول مطرح فاضي بحياتك، ببيتك، ع مايدتك، حتّى الرب يملّيه».

شكراااا كثيراااا أختي رغدة لمرورك الرّاقي ربنا يبارك حياتك

كلنا مدعوون لنكون فنانين

لنجعل من حياتنا تحفة فنية مميزة

فيتمجد الله من خلالها

باركك الرب اختنا سعاد و بارك قلمك

شكراااا كثيراااا على مروركِ العطر أختي جولي زيّنتِ حروف موضوعي