سعاد الادارة العامة
عدد المساهمات : 22227 نقاط : 30251 تاريخ التسجيل : 10/10/2014 الموقع : لبنان
| موضوع: زوادة اليوم: قصّة حقيقيّة... شمس نصّ الليل الجمعة يونيو 03, 2016 3:44 am | |
| زوادة اليوم: قصّة حقيقيّة... شمس نصّ الليل بيخبرو عن خادم رعيّة فات بعد نصّ الليل ع أوضتو، تيرتاح ويشكر الله ع هالنهار الرسولي الطويل، بس كان في إحساس جوّاتو عم بيقلّو: «وقّف صلاتك في رسالة مطلوب منّك تقوم فيها». سأل الكاهن حالو شو معقول تكون هالرسالة بنصّ الليل؟ جرّب يسكّت الصوت يلّي جوّاتو بس ما كان يقدر، بالعكس كان الصوت عم يقوى ويطلب منّو ينزل ويكمّل صلاتو بالشارع. بيقول هالكاهن: «مشيت أنا وعم صلّي وصِلِت قداّم بيت كبير، بحس لازم فوت على هالبيت، بس مش معقول الساعة وحدة بعد نص ليل، شو بدّي أعمل؟ وكان الإحساس عم يقوى... وفجأة بلاقي حالي قدّام الباب عم دقّ الجرس... الباب بينفتح، وخلفو بشوف شب، بعرفو عن حالي خادم الرعيّة، بيعزمني فوت بس كان ع وجّو في حيرة كبيرة». بيكمّل الكاهن وبيقول: «شفت عندو ع الحيط صليب، سألتو: مبيّن عليك إنّك مسيحي؟» جاوب الشبّ: «نعم»... بسرعة أخدني بإيدي ودخّلني ع أوضة... تفاجأت قدّام يلّي شفتو... حبل معلّق بالسقف وبراس الحبل حديدة ع شكل دايرة وتحت الحبل كرسي يعني باختصار مشنقة... تركنا الأوضة، طلعنا ع الصالون وصرنا نحكي... بنهاية الحديث طلع الضو وشرقت الشمس، وهون بيقلّي هالشب: «أنا ما بحب إسمع لحدا بسّ اليوم اختبرت حبّ الرب، لـمّا الكل تخلّو عنّي وتركوني بَعَتَك إنت حتّى تكون حدّي وتساعدني... اليوم شرقت شمس نصّ الليل بحياتي، أنا تايب يا بونا عن كلّ شروري وخطاياي». الزوّادة بتقلّي وبتقلّك: «قدّام كل لحظة تخلّي وتجربة، تذكّر إنّو الرب حدّك، وهوّي بيحبّك، وناطرك بس حتّى تفتحلو قلبك».
| |
|
joulia المدير العام
عدد المساهمات : 11984 نقاط : 15820 تاريخ التسجيل : 11/10/2014 الموقع : لبنان
| موضوع: رد: زوادة اليوم: قصّة حقيقيّة... شمس نصّ الليل الجمعة يونيو 03, 2016 5:06 am | |
| زوادة جميلة جدا يارب ساعدنا ان نعمل في حياتنا كل ما يرضيك وان نُكنز لنا كنوز في السماء آمين ربنا يباركك اختي سعاد | |
|
رغدة نائب المدير العام
عدد المساهمات : 15155 نقاط : 19773 تاريخ التسجيل : 10/10/2014 الموقع : لبنان
| موضوع: رد: زوادة اليوم: قصّة حقيقيّة... شمس نصّ الليل الجمعة يونيو 03, 2016 9:43 am | |
| | |
|
سعاد الادارة العامة
عدد المساهمات : 22227 نقاط : 30251 تاريخ التسجيل : 10/10/2014 الموقع : لبنان
| موضوع: رد: زوادة اليوم: قصّة حقيقيّة... شمس نصّ الليل الجمعة يونيو 03, 2016 10:20 pm | |
| شرفني مروركما الغالي أختاي الحبيبتانِ جولي ورغدة ليكن سلام المسيح دائماااا معكما شكراااا كثيراااا لتواجدكما الحبيب على موضوعي المتواضع
| |
|