ومريت بعد غيبة سنين ...
ع شجرتنا اللي بالدار مزروعا
لقيت معربش عليها الشوك والحنين
ومن قهرها ما عادت مقشوعة
قربت صوبها وسمعت الانين
وهزيت غصونها وفروعا
رجفت وقالتلي : الرحمة يا قاسيين
اللهفات بقلبي بتوعا
وقفت قدامها وانحنيت
ومن خجلتي منها بكيت
وصرت اطلب السماح
واختلطوا دموعي بدموعا
وقلتلها بشوق وع السكيّت
حقك عليي انا بحقك خطيت
أخدتني الايام بمرها وولوعا
وركعت ع ركابي وعطر ترابها شميت
وغمضت عيوني بركي بقشع عيونا
ومن لهفة قهر واوجاع مسموعا
وعيون ع هاك الماضي موجوعا
رفعت ديي لرب السما وصليت
وكان صرلها عمر صلاتي مقطوعا
وطلبت من قلبي وتمنيت
تبقى شجرتنا بالخير وبالعز
لصوب السما أمجادها مرفوعا
وتبقى بقلب الدار مزروعا
السبت أكتوبر 18, 2014 6:54 am
