زوادة اليوم: منِشكُر الله
بيخبرو عن خادم رعيّة بِسكوتلندا مشهور بصلواتو القلبية يلّي كان يقدّمها ع المذبح خاصّة إنّو كان على طول، يلاقي شي، يشكر الله عليه خلال صلاتو.
بأحد من آحاد الميلاد كانت الدِني عاصفة وبرد كتير والكاهن كتير مريض وراسو عم يوجعو، والناس مش مرتاحين وعم يتأفّفو، يعني بلا طول سيرة ما في شي ماشي، لدرجة انو الإندلفت صار يفكّر ويقول أنا أكيد إنّو البونا مش رح بيلاقي شي يشكر الله عليه اليوم. وقَدَّيش كانت دَهشتو كبيرة لما بلّش البونا صلاتو وقال: «بشكرك يا ربّي ع هالنهار لأنّو مش متل كلّ الإيّام».
الزوّادة بتقلّي وبتقلّك:
«قدّام الصعوبات والمشاكل يلي بتعترضنا لازم نلاقي دايمًا شي نشكر الله عليه».
الإثنين ديسمبر 26, 2016 6:19 am
