شربل اللي سكران بالله

لا كان ولا رح يكون

متل قلبك الحنون

يا شربل اللي سكران بألله

بحبّك أنا بجنون

وأنت الهادي والمثال

وأنت العارف بالأحوال

تركت الدّنيي كلّها

ورضيت بنعمة الله

أهّلْنا واعطينا من زيتاتك شوي

الضّوَيت فيهون سراج المي

ت نضوي حياتنا بقنديل

ونودّي للكون مراسيل

تخبّر عن قديس سكران

بعجقة هالدّني وبالرّب هيمان

ملك ع عرش الصّلا وسلطان

بفقر وطاعة وخشوع

قضّيت العمر ركوع

تنادي بالفم المليان

ليش النّاس نازلة نزول

ودرب الرّب طلوع

ومن محبستك الملياني

خير ودفا وكنوز حلياني

ما رضيت إلّا

ع المدبح وبإيدك القرباني

تغادر لمجد الله

وعن هالدّني تتخلّى

وتروح لمجد ما لو بهالدّني تاني

» شربل إنسان سكران بالله.
» من كتاب شربل سكران بالله: الجراد
» يا هالماضي اللي ما بتتركنا ...
» يا شيخ العيد اللي جايي
» حكي ملوّن للإيّام اللي بلا لون