يا حبيب قلب أمك
يا أوّل فرحة طلت عا دياري
يا فرحة اليوم من قلبي بقلك
آنت الهنا لقلبي ولإخوتك
والبيت جدك خوالك وخا لاتك
خيّك وخيّاتك سبقوك عادروب السعادة
وخلوا فرحتنا تكبر وبزيادي
وإنت كنت الإيد الحنونة والزوّادي
اليوم بها الفرحة
كل الأحبّا بالملقى
تجمّعوا لحتّى يهنّوك
من قلوبهن عم يلاقوك
بعروستك الحلوي
بقلب أصفى من الصّفا
ويقولك يا هلا
تتهنّوا ودوم السعادي
تعمر بقلوبكن والهنا
يرفرف ويغمر سعادتكن اكتر يا ولادي
شربل إنت رفيق الدرب
مع عمري ولإخوتك من غير الأب
شلت معي المسؤوليّة
وإنت اصغر من اياّ شب
تحمّلت الغربة والعذاب
استحملت الفرقة والغياب
وما بيوم تذمّرت
ولا بلحظة تكدّرت
بعين البي وبقلب نزية ومحبّ
بطلب من الله يا امي يعطيك
كنوز السعادة والفرح يهديك
إنت وريتا بها المشوار
تكونوا تنين تصيروا كتار
وأللّه يخلّي اللّي ربّا
وعطاني هالجوهرة كلها
يا رب يا امي بعروستك يهنيك
وياخود من عمري أنا ويعطيك
.......من قلب إمك سعاد يا قلب إمك .......