تنزل دموع تفضل تسيل تطلع أهات وقت الرحيل

تنزل دموع تفضل تسيل تطلع أهات وقت الرحيل
لكن يا أنبا ميخائيل فى شئ معزى قلبنا
هو أنك أنت بقيت شفيع بتصلى لخلاص الجميع
ومع المسيح فى مكان بديع بالطبع أفضل من هنا
وقت التجارب والألام يرفع صليبه على الدوام
وياما قال يا رب سلام وبعت الهنا سلام لنا
كان راعى صالح مش أجير وكان روحانى ومستنير
وخدمنا بمحبة وضمير وكان أبونا كلنا
وكان لكل الدنيا نور حازم قوى وجد ووقور
صاحب فضائل مش مغرور ولا عالى وبعيد عننا
مقفلش بابه فى وش حد ومحبته ولا ليها حد
كان حد متواضع بجد شايل معانا حملنا
ياما عدا بمشاكل وضغوط وفى عز ضيقته كان مبسوط
سيدنا يا مطران أسيوط طالبين صلاتك عننا
أبونا بركة هذا العصر يا اللى فضايلك ملهاش حصر
صلى لبدنا الغالية مصر وللكنيسة أمنا