بنسمع كلمة برامون
وبنسمع هو البرامون العيد دا كام يوم
ياترى نعرف يعنى ايه برامون ؟؟
برامون كلمة يونانية معناها استعداد او انتظار للعيد
وهى عباره عن ايام صوم من الدرجة الاولى
تاتى قبل اعياد الميلاد والغطاس
ومن الدرجه الاولى يعنى صوم انقطاعى حتى الغروب ومفيش فيهم اكل سمك
وبتكون ايام البرامون يوم او اتنين او تلاته
تكون يوم
لو العيد جه ايام التلات او الاربع او الخميس او الجمعه او السبت
يعنى نصوم اليوم السابق للعيد صوم درجه اولى انقطاعى بدون سمك
لو العيد جه يوم الاحد
يبقى البرامون السبت وطبعا السبت مفهوش صوم انقطاعى يبقى ناخد معاه الجمعه انقطاعى
ويبقى السبت برمون بدون انقطاعى وبرضه بدون سمك
وفى الحاله دى
يبقى البرامون يومين هما الجمعه والسبت
طيب لو العيد كان الاتنين
يبقى البرامون هو اليوم السابق وهو الاحد وطبعا مفهوش انقطاعى
يبقى ناخد معاه السبت وبرضه مفهوش انقطاعى
يبقى ناخد معاهم الجمعه انقطاعى والسبت والاحد برمون بدون انقطاع
وبرضه بدون سمك وبكدا
يبقى البرامون ثلاث ايام
هما الجمعه والسبت والاحد
منقول
الأربعاء يناير 14, 2015 4:23 pm
