بدمى فديتك وانت خاطى

بدمى فديتك وانت خاطى
سكنتك جسدى وكنت ليك فادى
حبيتك ووهبتك حب غالى
علمتك واديتك طبع هادى
تعيش فى حضنى وبلادى
وخليتك واحد من اولادى
وبدمى فديتك لمه كنت خاطى
والنهارده ياابنى انا شايفك بتكدب وتملى عنى بتبعد
وكل اللى عملته ليك
بسهوله بيهون عليك
وحاسس ان هيه مش فارقه معاك
سبت الشيطان يفرح فيك
وسمحت انه يقدر يشدك ويغويك
وانت مش عارف انه بيئزيك
سلمت نفسك ومسكته ايديك
وانت مش عارف انه بيهلكك
والنهارده يابنى
انا شايفك بقيت مغرور
ومفكر نفسك قوى وانت مكسور
والخطيه فى قلبك بتجرى بحور
وانت قصادى عريان ومفكر انك مستور
حبست نفسك فى مملكة الشيطان
وماتعرفش ان مملكتة من غير عمدان
وخليته يكتفك بالحديد وبالقضبان
واللى مزعلنى منك انك فرحان
وماتعرفش ان انت فى حقى غلطان
والنهارده يابنى انا شايفك بقيت بتطمع
وكل ماقرب منك انت بترجع
وكل مره بتغلط غلطه بتوجع
وقلبك بقى حجر حتى صوتى مش بيتسمع
وبتبعد لبعيد وعن نفسك بتحاول تمنع
بتنسى نفسك وتزل نفسك للناس
ونسيت ان انا الاصل وطريق الخلاص
حتى كلمتى بقيت مش عايز
والنهارده يابنى انا شايفك بتموت بالبطيئ
ومن كتر خطاياك بقيت غريق
وبتحاول دايما تمشى ف اصعب طريق
وحوالين رقبتك فى حاجه دايما بتخنقك
وبتحب تقرب من دنيا بتفارق
بس انا عارف ان بينك وبين نفسك مش طايق
بتعمل الغلط وهو اساسا عليك مش لايق
والنهارده يابنى انا مش هسيبك
وانت الضال ومهما ضليت هجيبك
مهما بعدت برضو خطوتى قريبه
بس انت ارجعلى وشايل صليبك
وانا عشان بحبك هسمحك وهدوى كل جراحك
ومش هسمحلك ان انت تمشى غير معايا
ومش هخليك ف يوم تكون عليا عارف ليه
عشان انت ابنى وانا ابوك الفادى
عارف ليه عشان انت منى وانا اشتريتك بدمى الغالى
عشانك بالشوك اتشوكت عشانك اضربت واتصلبت
عشانك اتجلدت واتعذبت عشانك موت وصحيت
عشانك على الشيطان انا دوست وحربته وكسبت
عارف ليه لان انا الحياه والموت
اعلى صوت عارف ليه عشان انا الرب الهك
وقبل ماتنده بسمعك وقبل ما بتوه براجعك
عارف ليه عشان انت تمنك غالى
وشأنك ف السما عالى
عارف ليه عشان انا اله راحيم
ولولا رحمتى كان زمانك فى الجحيم
عارف ليه عشان انا راحه لكل النفوس
ديما بحرر كل محبوس
وراحتى عمرك ماتقدر تشتريها بفلوس
عارف ليه عشان انا اله محبة
ومحبتى كل يوم بتزيد حبة
عارف ليه عشان انا خلقتك حر
وعلمتك تفرق بين الخير والشر
وتدوق بنفسك طعم الحلو وطعم المر
وف الاول وفى الاخر
سبت ليك ان انت تقرر
عارف ليه عشان انا طبيب كل مجروح
وبرجع الحياه للى عيشها حلاوة روح
عارف ليه عشان الحياه الحقيقه بس ف بيتى
والكلمه الطيبه تسمعها فى جزيرتى
وياريت تقدر ترجع قبل ماتمشى سفنتى
بدمى فديتك وانت خاطى
____________منقول______________

كلمات جميلة جدا

شكرا رغدة ... ربنا يباركك