صلاة إيمان ونور
يا يسوع جيت على أرضنا حتى تخبّرنا عن بيّك
يلّي هو بينا كمان،
وحتّى تعلّمنا نحبّ بعضنا.
اعطينا روحك القدوس يلّي وعدتنا فيه
حتى نصير أدوات سلام ووحدة
بها العالم المليان حرب وتفرقة.
يا يسوع انت دعيتنا تنتبعك ضمن جماعة من إيمان ونور.
بدنا نقلّك "نعم" .
بدنا نعيش عهد المحبّة بهاالعيلة الكبيرة يلّي اعطيتنا ياها،
حتّى نتشارك آلامنا وصعوباتنا، أفراحنا ورجانا.
علّمنا إنّو نتقبّل جراحاتنا وضعفنا
لأنّو من خلالها بتُظهَر قدرتك.
علّمنا نكتشف وجّك وحضورك
بكلّ إخوتنا وخيّاتنا،
وخصوصًا الأكتر شي ضعاف.
علّمنا نتبعك على دروب الأنجيل .
يا يسوع تعا سكون فينا ويجماعاتنا
متل ما سكنت بالأوّل بمريم .
هي أوّل وحدة استقبلتك باحشائها.
ساعدنا حتى نكون دايمًا واقفين معها عا إجرَيْن الصّليب،
قراب من كلّ المصلوبين بعالمنا.
ساعدنا حتى نعيش من قيامتك،
آمين.