مين حابب يعيّد القديس شربل ؟
كتار يلي بحبوك
كتار يلي من خلالك تعرفو ع يسوع
اذا بدنا نعيدك بعيد ميلادك
شو منقلك؟ عقبال ال ١٠٠ سنة
غريب ما انت خربطت عداد الزمن و سبقت ال١٠٠ سنة و بعدك عايش
صار عندك المية سنة متل نهار
وصار عندك حساب النهار كأنو ١٠٠ سنة بكلمة صلاة و شوية رجا
عطيني سنة من هالسنين تإلعب معك عحفاف الوادي و انزل عالمغارة صلي
رجعني زغير تكزدر انا و ياك و كل ما اسألك شو يعني صلي تعلمني و تقلي ركاع و سماع الله بكل شي حواليك
رجعني زغير توين ما تروح روح معك
و شو ما تعمل اعمل متلك
شربل خليني اكبر معك
شربل خليني اكبر متلك
اكبر بنعمة الله
اكبر بمحبة الله
خليني متلك صير
رجال بقلب طفل زغير
علمني شربل اقرا بكتابك
علمني شربل صلي متلك
بعدني زغير عم فتش ع الله
بتسمحلي اجي لعندك و نفتش سوا
دلني وين يسوع علمني صلي الو و معو و اسكر بمحبتو متل ما انت لقيتو
عقبالي انا كمان قديس صير
دل ع الله و متلك صير
طريق بتوصل للسما
عقبال كل سنة
و كل ما اكبر معك سنة
علاماتي بالحب تتغير
عقبال كل سنة
ابقى معك و انت تضلك معي
لسوا نطير للسما
الجمعة مايو 08, 2015 10:12 pm
