بين الفيلسوف وعامل التنظيف حقيقة مُرّة !!!
خبرية وزوادة للعمر كلو ...
بيخبرو عن فيلسوف ماشي عالطريق تلاقى بزلمي شغلو يكنس الشوارع.
قام قلو: بشفق عليك لأنو شغلك بيتعب ومجوي بتضل تشتغل بالزبالة. رد الكناس: انا بشكرك يا استاذ، بس فيك تقلي انت شو بتشتغل؟
رد الفيلسوف بثقة: انا بدرس نفسيات الناس وطباعن وبحلل تصرفاتن وبدرس اخلاقن.
صار يضحك الكناس وقلو: الظاهر يا استاذ انت المسكين، شغلك فيه زبالة اكتر من شغلي!
يمكن الزوادة قاسية وهيي مأخودة عن الأديب جبران خليل جبران.
اكيد مش كل الناس متل بعضها بس كمان الأكيد انو كتير صار الشر والنفسيات الأنانية والحقد والطمع وما حدا بيريد الخير لغيرو وبيضلو الناس مخانقين وهيدا ما بيحكي مع هيدا وغيرا كتير اللي ما حسدو عليهن ابدا الكناس للفيلسوف!
دعوتنا الكن اليوم كل واحد يبلش يغير من حالو تا نتوصل نغير هالنظرة عن الناس
والله معكن.