قلبك ع قلبي : خلي قلبي ب قلبك
من اول ما نتكوّن ببلش قلبنا ينبض للحياة
بس ما منكون عارفين انو الله هو سبب كل نبضة من نبضات حياتنا
من بلش نحب كل يلي حولينا ومننسا مين سبب هالحب مين علمنا نحب، نسامح مين يلي زرع فينا هالنعمة
المجانية و منكبر منعلم
كتار من الناس نسيو معنى الحب
وضاع حبن من ورا مشاكلون
كل دقة قلب هي نعمة من الله
كل دقة قلب هيي لحظة حقيقية للتوبة
ولما نضيّع طريق المسامحة منقدر نلحق نبضات قلبنا لأنو كل دقة بتخلينا نكتشف الطريق الحقيقية اللي منقدر
نثبت لنمشي عليا
ومتل ما قلب الله على قلبك
رح يصير قلبك بقلب الله لما تستسلم الو
لما تحط قلبك بقلب الرب بيتحول هالقلب من قلب حجر لقب رحمة رح تحب رح تسامح بدون حساب بدون ما
تفكر او تنطر بالمقابل
واهم شي انو رح ترجع لطفولة قلبك
ورح تفهم كل دقة من دقات قلبك
لأنو كل دقة رح تخبرك قصة عنوانا الله بحبك
لتصرخ و تقول للرب
خلي قلبك ع قلبي تحب متلك
خلي قلبك ع قلبي لسامح متلك
خلي قلبك ع قلبي لأحمل صليبي متلك
خلي قلبك ع قلبي لموت و قوم معك
و خلي قلبي بقلبك ليضل هالقلب طريق توصل لعندك و شهادة حب و سلام
خلي قلبك بقلبي لحب وكون تلميذ الك
خلي قلبك بقلبي ليبقى لقلبي هدف كرمالو يعيش
الخميس يوليو 21, 2016 8:16 pm
