زوادة اليوم: كل راس في حكمة

زوادة اليوم: كل راس في حكمة
بيخبّرو عن سليمان الملك الحكيم، إنّو بيوم من الإيام كان عَم يمشي بحديقة القصر بيلتقي بنملة بيحمِلها على إيدو وبيسألها: «قدَّيش بتاكلي بالسنة»؟ جاوبت النملة: «سِتّ حبّات من القمح». أخدها وحطّها بعلبة وحَطّ معها ستّ حبّات من القمح. بعد سنة إجا سليمان الحكيم ليتفقّد النملة، تطلّع فيها، شاف إنها أكلِت تلات حبّات بسّ، فسألها: «ليش تصرفتي هالتصرّف؟ وليش صار هيك»؟ جاوبتو: «لـمّا كنت حرّة كنت أعرف إنّو الله ما بينساني، دايمًا بيعطيني غذاء قدر احتياجي وأكتر، بسّ من بعد ما حَبَستني بهالعلبة خفت تنساني فوفّرت أكل للسنة اللي جايي».
الزوّادة بتقلّي وبتقلّك
يا ريت نحنا منتذكّر اليوم وكل يوم إنّو الله ما بينسانا، يسوع قال: «حتى الشَعر يلّي براسكُن معدود»! كيف فيكُن تخافو أو تعتلو هَمّ وعِنّا ربّ عطانا إبنو تَ يخلّصنا؟ اتّكلو عليه وهوّي بيدبّر كلّ أموركن بهالدني وبالآخرة، والله معكن.

» زوادة اليوم: حكمة الحياة
» زوادة اليوم: حكمة الله
» زوادة اليوم : ٥٠٠ $
» زوادة اليوم: عالم اليوم والتحدّيات
» زوادة اليوم وكل يوم