زوادة اليوم: التوبة الصادقة
بيخبرو عن وليّ عهد إنكلترا يلّي قرّر بيوم من الإيّام يزور المساجين، وكان بِنِيتو يعفي عن كل سجين بيستحقّ العفو والغفران.
هوّي وعم يبرم بالحبس، صار كل محبوس يبرّر حالو ويقول إنّو مظلوم، والعدالة كانت ظالمة بحقّو، ما عدا سجين واحد إنحنى قدّام وليّ العهد بكلّ تواضع، وإعترف بجريمتو، وأقر إنّو بيستحق العقوبة يلّي انحكم فيها. وكانت المفاجأة إنّو هالمجرم، كان الشخص الوحيد يلّي عفي عنّو وليّ العهد.
الزوّادة بتقلّي وبتقلّك:
«يلّي بيطلبو منّا الرب يسوع، هوّي التوبة الصادقة، الإعتراف بالخطيّة والندم الحقيقي... ولو مهما كانت خطيّتنا كبيرة، هوّي بيغفر خطيّتنا».
الخميس ديسمبر 29, 2016 7:42 am
