وعد الرب اليوم
والقادر ان يحفظكم غير عاثرين ويوقفكم امام مجده بلا عيب فى الابتهاج
رساله يهوذا ( 1 : 24 )
الوعد ده رد من الرب على سؤال كثير ما يساله الناس لبعضهم فنحن كثير ما نسال بعضنا
ونقول طالما احنا بشر اكيد هنخطئ وحتى لو اعترفنا بالخطيه هل معناه اننا هنتوقف عن الخطيه دى
ومش هنعملها تانى لا اكيد هنعملها تانى ونقول طيب وبعدين فى المشكله دى حلها يكون ايه ؟؟
ده السؤال اللى احنا كتير ما بنكرره ودى الافكار اللى بتدور فى عقولنا
واحيانا نحاول اننا نوجد حلول لتلك المشكله
بس حلول بشريه زى مثلا انى امنع نفسى عن الخطيه دى
ولكن الطريقه دى تحديدا تتسم دائما بالفشل
والشئ اللى لازم نعرفه كلنا هو اننا لا نقدر ان نخلص انفسنا بانفسنا
وان حل المشكله الوحيد هو الالتجاء الى الله
والاعتراف بتلك الخطيه او بمعنى اصح التوبه فالتوبه هو تغيير مسار الانسان يعنى
( اقرر بارادتى انى مش عاوز امشى تانى فى الخطيه دى واعترف بيها واطلب تحرير )
هو ده الحل الوحيد لتلك المشكله
ولكن فى مننا ممكن يسال سؤال دلوقتى ويقول وهل انا مش هعملها تانى ؟؟
الرد على سؤالك هو كلام الوعد ان الرب قادر ان يحفظنا غير مخطئين
وانه يوقفك امامه بلا عيب انما مبرر
ويعطيك التبرير بالايمان ومش كده وبس انما ايضا يعطيك الفرح
لان اللى بيحصل انه مش انت اللى بتنتصر على الخطيه
لكن شخص الرب انتصر على الخطيه فى الصليب فهو يهزم الخطيه ويعطيك انت الانتصار لذلك
فلا يجب انك تقلق وتشك فى نفسك وتقول ياترى هعمل الخطيه دى تانى
ولا لا واذا قررت نفس الخطيه تانى
( عن غير ارادتك )
فقل لا تشمتى بى يا عدوتى ان سقط اقوم ولو نلاحظ فى نفس الاصحاح بيقول
نصيحه لكل واحد فينا وهى
واما انتم ايها الاحباء فابنوا انفسكم على ايمانكم الاقدس مصلين في الروح القدس
وهو ده الطريق الذى يجب ان نتبعه اليوم
| 
الخميس أكتوبر 23, 2014 4:19 am
