ما زال في شمس وفي نور
وما زال الفجر بيمحي الديجور
رح نضل نتأمل بالخير
وبإيّام بيضا.. وهنا وسرور
وما زال في ربيع وشتي
وما زال بعدالوجع والبكي
في ايد بتمسح الدمعة
وبترد الضحكي
رح نضل نقول الله يبعد الشرور
وما زال للحلا في شعّار
بيكتبوا وبيلونوا الاخبار
وما بيتركوا لا كبار ولا صغار
ولا عاشقين يختموا المشوار
رح تضل البسمة تزهر بهالدور
وما زال في عنّا الايمان
ببكرا احلى مما كان
وما زال بهالارض في لنا عنوان
رح يبقى بالحب يعجقها نيسان
بجنينة كل انسان
ويعبق القلب بالصلاة وريحة البخور
الثلاثاء أكتوبر 14, 2014 9:23 pm
