زوادة اليوم: بِلقي ع الرب همّي
بيخبرو عن صبيّة صار معها مرض خطير ومُزمِن، إجت لعندا جارتها، وتفاجئت لـمّا شافتها فرحانة، والمرض ما أثّر ع حياتها. ولـمّا سألتها عن السبب، جاوبت: «أنا بحط كلّ همومي بقلب الرب». جاوبت الجارة: «وأنا كمان بعمل هيك، بس مع الأسف بعد فترة برجع حِسّ بالإحباط والزعل والألم، شو السبب برأيك؟». قالتلا الصبيّة: «بكل بساطة إنتي بتتّكلي ع الرب، بسّ بعد فترة بترجعي بتتّكلي ع حالك، الفرق بيني وبينك، إنّي بسلمو ذاتي، وبترك كل همومي عندو وما برجع بسترجعها منّو، وإذا صار عندي هموم جداد كمان بسلّمها للرب وبحطها بقلبو وهيك بحسّ بالأمان والسلام».
الزوّادة بتذكّرني وبتذكرك بكلام الرّب: «ألقِ ع الربّ همّك وهوّي بيريحك».
الجمعة يوليو 10, 2015 5:26 am
